Cynllun Datblygu

Unwaith y mabwysiedir y cynllun hwn bydd yn disodli’r fframwaith cynllunio sydd gennym ar hyn o bryd, sef Cynllun Datblygu Unedol Ynys Môn (2001) Cynllun Fframwaith Gwynedd (1993) a Chynllun Lleol Ynys Môn(1996).

Beth yw cynllun datblygu?

Gweledigaeth y cynllun datblygu yw cymunedau cynaliadwy ar Ynys Môn ac mae’n pennu fframwaith o bolisïau fydd yn cael eu defnyddio i gynorthwyo gwneud penderfyniadau ar geisiadau cynllunio. Mae’r cynllun yn ystyried yr angen am ddatblygiad a chadwraeth fel ei gilydd ac yn siapio’r penderfyniadau sydd angen eu gwneud ar faterion cynllunio pwysig. Bydd hefyd yn cysylltu â pholisïau eraill y cyngor ar briffyrdd, gwastraff, yr amgylchedd a datblygiad economaidd.

Caiff y cynllun ei baratoi trwy ymgynghori â’r cyhoedd a bydd yn tywys datblygiad i’r lle mwyaf priodol iddo. Bydd hefyd yn cyfyngu ar ddatblygiad lle nad yw’n addas. Mae’r cynllun yn ystyried llawer math o ddatblygiad gan gynnwys preswyl, diwydiant a thwristiaeth. Caiff ei arolygu, ei adolygu a’i ddiweddaru i ddarparu fframwaith ar gyfer gwneud penderfyniadau cyson yn y dyfodol.

Bydd y cynllun hefyd yn ystyried cyfarwyddyd Llywodraeth Cynulliad Cymru a’r cyngor sy’n cael ei gynnig ar lawer o bynciau gan gynnwys adwerthu, telathrebu, twristiaeth ac ati.