Seren Olympaidd yn ymweld ag Ynys Môn

Cafodd dros 40 o ddisgyblion wythnos hir o hwyl o weithgareddau athletau wedi eu trefnu gan Uned Datblygu Chwaraeon Cyngor Sir Ynys Môn  ar y cyd ag Athletau Cymru.

Gwnaeth Matt Elias ymddangosiad  ar ddiwrnod olaf yr ŵyl  i sgwrsio gyda phobl ifanc am ei yrfa  ac ateb unrhyw egin gwestiynau.

Dywedodd  Barry Edwards, trefnydd y digwyddiad ‘ Rydym wedi cael ymateb ardderchog i’r digwyddiad hwn, mae’n gyntaf o’i fath ar Ynys Môn ac rydym yn falch iawn bod y disgyblion wedi mwynhau eu hunain a chael y cyfle i gyfarfod â seren genedlaethol. Mae wedi bod yn llwyddiant mawr .’

Dywedodd un plentyn  a oedd yn cymryd rhan, Iestyn Jones o Rosybol , ‘ Cefais gymaint o hwyl, roedd yn wythnos cŵl  ac mi wnes i lawer o gyfeillion.’

Yn dilyn ei lwyddiant cynhelir y digwyddiad eto ym misoedd yr haf y flwyddyn nesaf. Mae’r Uned Datblygu Chwaraeon yn gweithio’n barhaus i ddatblygu chwaraeon yn y gymuned ac yn gweithio gydag amrywiaeth o bartneriaid. Fodd bynnag maent yn dibynnu ar  wirfoddolwyr i gynorthwyo gyda’r rhan fwyaf o’u gweithgareddau.

Pe bai gennych ddiddordeb mewn gwirfoddoli gydag unrhywrai o’u digwyddiadau neu eu gweithgareddau cysylltwch â’r Uned Datblygu Chwaraeon am fanylion ar 01248 752026.