Peldroedwyr y gwneud Ynys Môn a Cymru'n falch iawn.

Yn y pencampwriaethau, daeth 20 o dimau ynghyd o bob cwr o Ewrop gan gynnwys Ffrainc, Sbaen a’r Iseldiroedd i enwi ond ychydig.  Bu’r timau’n cystadlu dros 3 diwrnod i ennill Cwpan Ewropeaidd Schtroumpf, cwpan y mae bri mawr iddi. Y chwaraewyr a fu’n cynrychioli Mencap Cymru oedd Kevin Gibson (Capten), Liam Hough, Glyn Williams, Alison Williams, Sion Jones, Rhys Mollin, Joe Stephens, Michael Gallagher, Tim Wright, Adele Hughes, Gary Costa, Carl Morris, Rachel Gilroy, Miles Duffy a Mark Williams. 

Cafwyd perfformiadau unigol ardderchog gan y chwaraewyr i gyd a bu’r tîm yn chwarae yn erbyn rhai o bêl-droedwyr gorau Ewrop.  Rhaid sôn yn arbennig am Joe Stephens a gafodd ei enwi’n chwaraewr y twrnamaint oherwydd ei berfformiadau anhygoel wrth amddiffyn.  Taflodd Joe ei hun i bob tacl ond gellir priodoli’r llwyddiant i bob aelod o’r tîm.

Roedd hi’n gystadleuaeth anodd ond gweithiodd tîm Mencap Cymru yn galed ac roeddynt yn llysgenhadon eithriadol i Gymru a Phrydain Fawr.   Chwaraeodd y tîm yn deg ac yn yr ysbryd iawn ar y cae ac oddi arno wrth iddynt roi anogaeth i’r timau eraill a oedd yn cynrychioli Ynysoedd Prydain.  Dylai eu hyfforddwyr, teuluoedd a chyfeillion fod yn hynod falch ohonynt.

Gellir glicio ar y llun er mwyn ei weld mewn mwy o fanylder.