Ariennir y Cynllun Cyfeirio Ymarfer Cenedlaethol (CCYC/NERS) gan Lywodraeth Cymru ac Iechyd Cyhoeddus Cymru (ICC/PHW), yn gweithio mewn partneriaeth â Chymdeithas Llywodraeth Leol Cymru (CLlLC/WLGA), awdurdodau lleol, a’r Byrddau Iechyd Lleol.
Mae’n targedu cleientiaid sydd mewn perygl o ddatblygu afiechyd cronig, darparu cyfle ar gyfer cyfeirio i gael mynediad i raglen ymarfer a oruchwylir o ansawdd tuag at iechyd a lles gwell.
Mae’r Cynllun, sydd wedi ei anelu at rai dros 17 oed, nad ydynt wedi arfer bod yn weithredol yn gorfforol yn rheolaidd ac sydd â chyflwr meddygol, wedi ei gynllunio i ddarparu cyfleoedd i ymarfer sy’n hwyliog, yn foddhaus ac y gellir eu hymgorffori i fywyd bob dydd.
Y cynllun
Ceir ystod eang o weithgareddau campfa-seiliedig a dosbarth-seiliedig i ddewis o’u plith ar gyfer cleifion sydd wedi bod drwy raglen adfer neu wedi eu cyfeirio gan broffesiynolyn iechyd (meddyg teulu, nyrs, a ffisiotherapydd ayyb.).
Byddwch yn gallu cael mynediad i ystod eang o gyfleoedd a bydd y rhain ar gael rhwng 16 a 32 wythnos y rhaglen (yn dibynnu ar gyflwr meddygol).
Y manteision
Mae’r manteision yn cynnwys:
- mae’r galon a’r ysgyfaint yn dod yn gryfach ac yn fwy effeithlon
- mae cryfder cyhyrol yn cynyddu
- mae cymalau’n dod yn gryfach
- gellir oedi dechrau osteoporosis
- gall braster corfforol a gor-bwysau gael eu lleihau
- gallai ymlacio a chwsg wella
- bod yn fwy abl i weithredu gweithgareddau byw bob dydd
- teimlo’n fwy effro ac egnïol
- cynnal ystum corff da
- cynorthwyo i normaleiddio pwysedd gwaed
- lleihau’r risg o ddatblygu clefyd siwgwr
- llai o risg o’r gwaed yn ceulo
- lleihau iselder a phryder
- gwella hyder a hunan-barch
Am fanylion pellach, cysylltwch â ners@ynysmon.llyw.cymru
Cynllun Môn Actif 60+: Sesiynau ffitrwydd a llesiant
Mae’r Cynllun Môn Actif 60+ yn cynnig wyth wythnos o sesiynau ffitrwydd am ddim yn eich canolfan gymunedol neu neuadd bentref.
Bydd hyfforddwr cymwys yn darparu sesiwn ffitrwydd a fydd yn addas ar gyfer eich anghenion.
Byddwyn yn talu gost y hyfforddwr. Ein nod yw gweithio gydag 8 lleoliad cymunedol rhwng Hydref-Rhagfyr 2023, gydag 8 cymuned arall ym mis Ionawr 2024.
Dywedwch wrthym pam fod eich canolfan yn haeddu lle