Cofnodion ac archifau

Mae Archifau Môn yn casglu ac yn cadw dogfennau hanesyddol sy’n ymwneud ag Ynys Môn ac yn sicrhau eu bod ar gael i unrhyw un sy’n dymuno eu gweld.

P’un a ydych am olrhain hanes eich tŷ, darganfod gwreiddiau eich cymdogaeth neu olrhain hanes eich teulu, mae ein staff cymwynasgar a llawn gwybodaeth yma i’ch helpu.

Am ychwaneg o wybodaeth am ein casgliadau a’n gwasanaethau, defnyddiwch y botymau llywio ar y dde.

Cysylltwch â ni cyn ymweld

Mae Gwasanaeth Archifdy Môn yn gweithredu system archebu. Rhaid i ddefnyddwyr archebu lle yn yr ystafell chwilio cyn eu bod yn ymweld. Gallwch archebu lle trwy ddod i’r Archifdy, trwy ebost, ffôn neu lythyr.

Nodwch bod angen archebu lle ar gyfer pob person sy’n dymuno defnyddio’r gwasanaeth.

Os bydd gennych unrhyw ofynion arbennig, gadewch i ni wybod amdanynt pan fyddwch yn archebu lle.

Llythyrau o’r Goleudy

Mae Archwiliwch eich Archif yn bartneriaeth rhwng yr Archif Genedlaethol â’r Archives and Record Association, ar draws y DU ac Iwerddon. Y bwriad ydi arddangos potensial Archifau i gyffroi pobol, dod a chymunedau at ei gilydd a rhannu storïau rhyfeddol.

Eleni ffocws ein ymgyrch archwilio ydi detholiad o lythyrau a ysgrifennwyd gan Henry Bowen, prif geidwad goleudy Ynys Lawd, Caergybi.

Mae’r gyfrol ryfeddol hon yn cynnwys dros 200 llythyr, sydd nid yn unig yn gipolwg ar fywyd pob dydd ar Ynys Lawd, ond hefyd cysylltiadau morwrol pwysig i’r byd ehangach.

“Llythyrau o’r Goleudy” ei greu mewn partneriaeth rhwng Archifdy Ynys Môn ag Oriel Ynys Môn, Tachwedd 2016.