Archifau - trefnwch eich ymweliad

Felly, boed eich diddordeb mewn hanes lleol neu hanes teuluol, mae ein staff yma i’ch helpu chwi i ganfod mwy am eich ardal leol neu eich cymuned.

Os oes gennych rhagor o gwestiynnau, cysylltwch â’r Gwasanaeth Archifau neu beth am chwilio drwy ein “Cwestiynnau Cyffredin” ar yr ochr dde o’r dudalen.

Mynediad

Mae mynediad yn rhad ac am ddim a nid oes cyfyngiadau ar bwy all ddefnyddio’r Swyddfa. Ond disgwylir i bawb ddilyn Rheolau’r swyddfa - gweler ein Rheoau Stafell Ymchwil.

Ar hyn o bryd nid ydym yn gallu rhoi ein casgliadau ar lein. Fodd bynnag, gallwch chwilio am fanylion llawer o’n casgliadau trwy ddefnyddio gwefan Rhwydwaith Archifau Cymru neu’r wefan Mynediad i Archifau (A2A).  Mae’r gwefannau hyn yn rhoi disgrifiadau manwl o’n cofnodiadau ac fe ddylent eich helpu i nodi’r rhai fydd o ddefnydd i chwi yn eich hymchwil.

Oriau agor

Gweler y llyw ar yr ochr dde.

Tocynnau Darllen

Rhaid cael Tocyn Darllen (CARN - County Archive Research Network) er mwyn cael mynediad at ddeunyddiau gwreiddiol. Bydd angen i chi ddod â phrawf adnabod sy’n cynnwys eich cyfeiriad a’ch llofnod (e.e. trwydded yrru) os nad oes gennych docyn. Gellir rhoi tocynnau diwrnod i’r rheiny nad sydd â thocyn darllenwyr, hefyd.

Apwyntiadau - cysylltwch â ni cyn ymweld - sgrifennwch neu galwch o flaen llaw

Mae Gwasanaeth Archifdy Môn yn gweithredu system archebu.  Rhaid i ddefnyddwyr archebu lle yn yr ystafell chwilio cyn eu bod yn ymweld.  Gallwch archebu lle trwy ddod i’r Archifdy, trwy e-bost, ffôn neu lythyr.  Nodwch bod angen archebu lle ar gyfer pob person sy’n dymuno defnyddio’r gwasanaeth.  Os bydd gennych unrhyw ofynion arbennig, gadewch i ni wybod amdanynt pan fyddwch yn archebu lle.

Ble ydym ni?

Trowch oddi ar y wibffordd yng nghyffordd 6 gydag arwyddion Rhostrehwfa (A5) Llangefni (A5114). Dilynwch yr arwyddion am Llangefni (A5114). Cymerwch y tro cyntaf i’r dde a dilynwch yr arwyddion am y Stad Ddiwydiannol. Yn y gylchfan gyntaf cymerwch y tro cyntaf oddi arni. Ewch ar hyd y ffordd hon hyd nes y gwelwch arwydd y swyddfa.

Mae Archifau Ynys Môn y tu ôl i SOS Office Solutions ar y dde i chi.

Parcio

Darparwyd maes parcio am ddim i ddefnyddwyr yr Archifdy.

Toiledau

Mae yna gyfleusterau toiled gwbl hygyrch.

Ar y Bws/Trên

Bangor yw’r orsaf fwyaf cyfleus, gyda chysylltiad bws yn mynd o’r fan honno bob hanner awr - rhifau 4 a 9.

Cynnwys yr Archif

Mae Archifdy Môn yn dal cofnodion a chasgliadau ar gyfer Ynys Môn, gan gynnwys ffurflenni cyfrifiadau, cofrestri plwyf, cofrestri anghydffurfwyr, cofnodion trethi tir, mapiau, ffotograffau, cofnodion cynghorau, cofnodion addysg, rhestrau criwiau llongau a gofrestrwyd ym Miwmares, papurau newydd a chasgliadau cyhoeddus a phreifat eraill. 

Hygyrchedd

Mae pob ardal gyhoeddus yn Archifau Ynys Môn yn hollol hygyrch.

Cyfleusterau                     

Bwyd: Mae’r archifdy wedi ei lleoli yng nghanol y dref, lle mae caffis a bwytai ar gael
Tai Bach: Ar y llawr isaf
Siop:  Dim siop

Cypyrddau Clo

Mae cypyrddau clo ar gael ar gyfer bagiau ayb.

Defnyddio camerâu a chopïo

Gellir darparu ffotograffau, argraffiadau a llungopïau microfform yn unol â chyfyngiadau hawlfraint a chan ddibynnu ar gyflwr y dogfennau gwreiddiol. Gellir prynu trwyddedau ar gyfer defnyddio camerâu personol.

Defnyddio gliniaduron

Caniateir defnyddio gliniaduron, ond nid oes socedi pŵer ar gael.

Gwasanaeth Ymchwil

Mae yna wasanaeth ymchwil post y gellir talu amdani, gyda ffi gychwynnol am yr hanner awr gyntaf. Cysylltwch â Gwasanaeth Archifau Môn er mwyn cael y ffi gyfredol.

Amserau Adalw Dogfennau

Bydd cofnodiadau’n cael eu cynhyrchu bob tri chwarter awr

Byddwn yn dechrau cynhyrchu dogfennau am:  09:30 a daw i ben am 16:15

Llun, Mercher, Iau a Gwener: 09.30; 10.15; 11.00; 11.45; 12.30; 14.15; 15.00; 15.45; 16.15

Pob 2ail a 4ydd dydd Mawrth o’r mis: 14.15; 15.00; 15.45; 16.15; 17.00; 17.45; 18.15