Bydd rhaid i’r holl fadau pŵer sy’n cael eu lansio yn Ynys Môn gael eu cofrestru a bod ag yswiriant dilys . Bydd raid cofrestru pob bad gydag injan - hyd yn oed badau gyda dim ond un perchennog.

Sut ydw i’n cofrestru?

Gellir cofrestru yn Swyddfeydd y Cyngor Sir neu drwy oruchwylwyr y llithrfeydd yn Nhraeth Bychan, Biwmares, Trearddur, Rhoscolyn, Rhosneigr, Porth Llechog a Phorthaethwy.

Gellir hefyd cofrestru drwy’r post. Am gopi o’r ffurflen gofrestru, gweler tudalen Ffurflen gofrestru: cychod pŵer / badau dŵr personol

Bydd rhaid i chi ddarparu prawf adnabod a phrawf o ddiogelwch yswiriant priodol. Bydd rhaid cael yswiriant trydydd parti £3 miliwn.

Faint mae cofrestru yn ei gostio?

Yn uniongyrchol gan y cyngor - £15
Wrth y llithfra - £20

Bydd rhaid i’r rheiny nad ydynt yn talu am drwydded lansio dymhorol wrth gofrestru dalu y ffi ar gyfer cofrestru ynghyd â’r ffi dyddiol pan yn lansio y tro cyntaf.  Dim ond ffi ddyddiol  y bydd angen ei thalu ar ôl hynny.

Ble alla i lansio?

Mae cofrestriadau lansio yn ddilys i’w defnyddio ym mhob un o gyfleusterau lansio Cyngor Sir Ynys Môn (rhestrir isod). Yn ogystal, mae cofrestriadau ar gyfer lansio yn cael eu derbyn gan Gyngor Gwynedd, Cyngor Bwrdeisdref Sirol Conwy a Chyngor Sir Ddinbych heb i chi orfod ailgofrestru na thalu eto.

Llithrfeydd cydnabyddedig

Mae angen talu ffioedd cofrestru a lansio.

Llithrfa Trearddur, Llithrfa Traeth Bychan, Pwynt mynediad Rhosneigr, Pwynt mynediad Rhoscolyn, Llithrfa Biwmares, Llithrfa Porthaethwy (Porth y Wrach) a Phorth Llechog.

Llithrfeydd cyfyngedig

Llithrfa Llaneilian, Pwynt mynediad Porth Tywyn Mawr, Llithrfa Clwb Hwylio Caergybi , Traeth Llugwy, Porth Swtan, Traeth Penrhos (Caergybi), Llithrfa Bol Sach (llithrfa Gwylwyr y Glannau, Caergybi), Cemaes a Bae Ffreiars

Angen cofrestriad - gallai ffioedd eraill fod yn berthnasol.

Nodyn: Ni chaniateir eithriadau ar gyfer y llithrfeydd cyfyngedig uchod heb ganiatâd y swyddog arforol neu ddirprwyon a enwebwyd ganddo.

Manteision y cynllun cofrestru

Mae’r cynllun hwn yn cynnig mantais sylweddol i’r rheiny sydd wedi cofrestru gydag Ynys Môn oherwydd y bydd cynghorau sir Conwy, Dinbych a Gwynedd yn derbyn cofrestriad Ynys Môn.

Yn wahanol i’r hyn sydd wedi bod yn digwydd o’r blaen, mae hyn yn golygu, os byddwch yn penderfynu mynd i Wynedd am y diwrnod yn hytrach nag i Ynys Môn ni fydd raid i chi gofrestru eto yng Ngwynedd a thalu eu ffi gofrestru. Y cyfan y bydd raid i chi ei wneud bydd talu eu ffi lansio ddyddiol.

Mantais y cynllun hwn yw bod y cofrestriad yn ddilys ar gyfer y pedair ardal a bod tynnu’r cofrestriad oddi ar y rheiny sy’n achosi unrhyw fath o broblemau yn golygu eu bod wedi colli’r cofrestriad ar gyfer y cyfan o Ogledd Cymru i bob pwrpas.

Gallwn eich sicrhau na chymerid y camau uchod ond mewn amgylchiadau eithriadol iawn yn erbyn y rheiny nad ydynt yn cydymffurfio gydag is-ddeddfau a rheoliadau lleol.