Llyfrgelloedd - gwasanaeth gwybodaeth

Gallwn ateb nifer o gwestiynau’n sydyn trwy ddefnyddio’n hadnoddau ein hunain a byddem yn fwy na pharod i gysylltu â llyfrgelloedd neu sefydliadau lleol a chenedlaethol eraill ar eich rhan.

Lleolir ein prif gasgliad o adnoddau yn Llyfrgell Llangefni, casgliad llai yn Llyfrgell Caergybi a chasgliadau bychain yn y llyfrgelloedd eraill ar yr ynys.

Pa fath o wybodaeth sydd ar gael?

• gwybodaeth gyffredinol elfennol - cyfeiriadau sefydliadau, rhifau ffôn, ffeithiau a manylion
• gwybodaeth am faterion bob dydd - eich hawliau, teithio, iechyd a materion cymdeithasol
• gwybodaeth am Gymru - ei hanes, llenyddiaeth a’i thraddodiadau
• gwybodaeth leol - manylion am gymdeithasau, gweithgareddau, dosbarthiadau nos, hanes lleol ac ystadegau
• gwybodaeth fusnes - cyfeiriadau cwmnïau
• gwybodaeth i fyfyrwyr - manylion cyrsiau, gyrfaoedd a phrosbectysau

Mae’n hadnoddau, sy’n cynnwys llyfrau, cyhoeddiadau swyddogol y llywodraeth, mapiau, papurau newydd a chyfnodolion, CD-ROMau a gwasanaethau ar-lein yn cynrychioli adnodd gwybodaeth sylweddol - ar gael i’w ddefnyddio ar eich rhan neu’n uniongyrchol gennych chi.

Casgliadau pwysig

Lleolir y casgliadau canlynol yn Llyfrgell Llangefni:

• casgliad o Ddeddfau’r Llywodraeth
• casgliad o adnoddau printiedig yn ymwneud â Chymru
• casgliad o gyfnodolion Cymraeg a Chymreig
• casgliad astudiaethau lleol
• casgliad cyhoeddiadau Llywodraeth Cynulliad Cymru