Llyfrgelloedd - casgliad lleol
Os ydych yn chwilio am wybodaeth leol ac yn cael anhawster dod o hyd i atebion, yna cofiwch ein bod ni yma i’ch cynorthwyo a’ch arwain at ffynonellau defnyddiol.
Yn ystod y blynyddoedd diweddar bu gwir gynydd yn y diddordeb a ddangoswyd mewn materion ‘lleol’, fel rhan o waith ysgol neu goleg, neu ddiddordeb cyffredinol. Mae nifer o feysydd astudiaeth yn dod o dan y categori “astudiaethau lleol”, gan gynnwys materion cymdeithasol, economaidd, diwylliannol ac ieithyddol.
Lleolir y prif gasgliad yn Llyfrgell Llangefni, casgliad llai yn llyfrgell Caergybi a chasgliadau bychain yn y llyfrgelloedd eraill ar yr ynys. Gellir benthyg copïau o rai llyfrau printiedig os oes digon o gopïau ar gael.
Pa fath o adnoddau sydd ar gael?
- llyfrau printiedig - hen a newydd
- llyfrau gan awduron lleol
- pamffledi a thaflenni
- adroddiadau blynyddol gwahanol sefydliadau
- cofnodion cyngor sir
- adroddiadau gwahanol adrannau’r cyngor sir
- rhestri etholwyr (1945 ymlaen - anghyflawn)
- ystadegau megis poblogaeth, diweithdra a siaradwyr Cymraeg
- papurau newydd lleol (1950au ymlaen)
- papurau bro
- cyfnodolion
- toriadau papurau newydd
- mapiau o wahanol gyfnodau gan gynnwys mapiau’r Ordnance Survey
- sleidiau
- recordiau, tapiau a fideos masnachol
