Rhaglen Safon Ansawdd Tai Cymru

Bydd gwaith sy’n cael ei wneud dan Raglen Gwaith Gwella Mewnol SATC yn cynnwys yr isod:

• gosod cegin newydd
• gosod ystafell ymolchi newydd
• gwaith ailweirio trydanol

Ni fydd yr holl waith yn cael ei wneud ym mhob cartref ac ni fydd angen gwneud unrhyw waith o gwbl ar rai cartrefi. Byddwn yn eich cynghori mewn da bryd ymhell cyn i’r gwaith gychwyn os bydd unrhyw waith gwella’n cael ei wneud yn eich cartref chi.

Pan ddaw’r cynllun i’ch ardal chi, cewch wahoddiad i ddiwrnod agored i drafod y gwelliannau a gweld samplau o’r unedau a’r gosodion y byddwn yn eu cyflenwi.

Yn fuan wedi hyn, bydd un ai G Purchase Construction neu’r uned cynnal a chadw tai yn cysylltu â chi i drefnu apwyntiad i ymweld â chi yn eich cartref, archwilio eich eiddo, egluro’r gwaith a gynigir a chytuno nifer o ddewisiadau pan fo’n gymwys. Bydd gan bob ymwelydd gerdyn adnabod.

Gan ystyried natur y gwaith y mae modd ei wneud, rydym yn tybio y bydd yn cymryd hyd at bymtheng niwrnod i’w gwblhau os bydd yr holl welliannau a nodir uchod yn cael eu gwneud i’ch tŷ.

Mae gwaith fel hyn yn mynd i achosi peth cynnwrf ac aflonyddwch, fodd bynnag, fe wneir pob ymdrech i gadw hyn i’r lefel isaf bosibl. Dymunaf eich sicrhau y dewiswyd ein partneriaid oherwydd iddynt brofi yn y gorffennol bod ganddynt y gallu i gyflawni gwaith fel hyn yn effeithiol tra mae’r trigolion yn aros yn eu cartrefi.