Tai preifat
Mae tai rhent o safon dda yn y sector preifat yn chwarae rôl werthfawr yn Ynys Môn.
Rydym yn cydnabod bod tai a’n hamgylchedd yn allweddol bwysig i safonau byw pobl sy’n cael effaith ar gyflogaeth, addysg, iechyd a lles cyffredinol.
Er mwyn cynnal safonau trwy amrywiaeth o wahanol fathau o lety, mae’r cyngor wedi gwneud ymrwymiad i weithio gyda landlordiaid preifat, asiantaethau a’r gymuned tuag at amgylchedd diogel, teg a iach.
Am wybodaeth ynghylch materion tai sector preifat cysylltwch â’r Tîm Gorfodaeth Tai yn Iechyd yr Amgylchedd.
Cysylltwch â’r Adain Dai am wybodaeth ar drwshio neu addasu eich cartref.
Yn yr adain hon
Deddf Tai 2004
Daeth Deddf Tai 2004 i rym o 30ain Mehefin 2006 yng Nghymru. Yn benodol, cyflwynodd newidiadau mawr i’r modd y caiff tai amlbreswyliaeth (TA) eu trwyddedu a’u diffinnio a’r modd y caiff amodau pob eiddo sydd ar gael i’w rhentio’n breifat eu hasesu.
Tai amlbreswyliaeth
Adeilad ydy TA sy’n cael ei ddefnyddio gan ragor nag un aelwyd sy’n rhannu (neu sydd heb) gyfleusterau cegin/ystafell ymolchi/toiled ac sydd ddim yn hunangynhwysol. Diffinnir aelwyd fel teulu, sef pobl sydd â pherthynas waed neu sy’n byw gyda’i gilydd fel gwr a gwraig (gan gynnwys cyplau o’r un rhyw).
System Graddio Iechyd a Diogelwch Tai
Mae landlordiaid sy’n gosod llety preswyl yn gyfrifol am sicrhau ei fod mewn cyflwr da. Ar 30 Mehefin 2006 daeth Deddf Tai 2004 i rym yng Nghymru.
Fforwm landlordiad
Mae Adain Iechyd yr Amgylchedd Cyngor Sir Ynys Môn wedi bod yn cynnal fforymau blynyddol ers 2007 er mwyn rhoddi i landlordiaid sector preifat, asiantiaid a phobl broffesiynol y wybodaeth ddiweddaraf ynghylch materion o ddiddordeb.
Asesu risg diogelwch tân
Mae’n ofyniad cyfreithiol ar bob landlord i gynnal asesiad risg diogelwch tân ar eu heiddo a hynny’n unol â threfniadau Gorchymyn Ad-drefnu Rheoleiddiol (Diogelwch Tân) 2005.
Achredu Landlordiaid Cymru
Mae’r Cyngor yn bartner yng Nghynllun Achredu Landlordiaid Cymru (ALC).
