Achredu Landlordiaid Cymru
Mae’r Cyngor yn bartner yng Nghynllun Achredu Landlordiaid Cymru (ALC).
Caiff y cynllun ei weinyddu gan Gyngor Caerdydd ar ran y bartneriaeth, ac mae’n gynllun ar gyfer landlordiaid ar draws Cymru. Mae landlordiaid sy’n ymuno â’r cynllun ac yn cydymffurfio â’r safonau yn cael eu “achredu” a’u cydnabod fel landlordiaid da. Does dim rhaid i landlordiaid ymuno, ond mae nifer o fanteision.
Bwriad y cynllun yw codi ymwybyddiaeth landlordiaid ac asiantau o’u hawliau a’u cyfrifoldebau wrth osod eiddo. Mae’n fwy tebygol y bydd eu heiddo’n cael ei gynnal i safon uwch fel hynny; y bydd iechyd a diogelwch eu tenantiaid yn cael ei ddiogelu a’u busnesau’n cael eu hamddiffyn yn well.
Mae’r cynllun ar agor i unrhyw landlord neu asiant, yn ogystal â’r rheiny sy’n ystyried bod yn landlord. Does dim rhaid i chi fod yn berchen ar eiddo yng Nghymru i ymuno.
Mae’r Cyngor yn argymell eich bod yn dod yn aelod o’r cynllun.
Beth yw gofynion y Cynllun Achredu Landlordiaid Cymru?
Mae’r cynllun ALC yn achredu’r landlord, nid yr eiddo. Bydd angen i landlord wneud y canlynol:
- mynychu cwrs datblygu undydd i gael y wybodaeth a’r sgiliau i’w helpu i weithredu eu busnes yn llwyddiannus
- cytuno i ddilyn cod ymddygiad
- bod yn berson addas a pharchus
Mae meini prawf ychwanegol ar gyfer Asiantau Gosod sydd am ymuno.
Sut all landlordiaid elwa o gael eu hachredu?
Ar wahân i gael gwybodaeth am sut i fod yn landlord da, a chael eich cydnabod fel un, mae nifer o fanteision eraill, sy’n cynnwys:
- Marchnata ffafriol ar eich cyfer chi a’ch eiddo ar wefan y cynllun ALC.
- Gwell mynediad i Ddigwyddiadau a Chyhoeddiadau’r Awdurdod Lleol. Bod y cyntaf i glywed am sesiynau ymwybyddiaeth a hyfforddi ychwanegol.
- Derbyn dogfennau cefnogol Darparu Deunydd Cyfeiriol i gefnogi’r Cwrs Datblygu.
- Rhwydwaith Gefnogi Ehangach Byddwch yn rhan o rwydwaith landlordiaid mwy.
- Un cais sydd ei angen ar gyfer pob Awdurdod Lleol yng Nghymru Gan fod y cynllun ar draws Cymru gyfan, dim ond unwaith sydd raid i chi ymuno, hyd yn oed os oes gennych eiddo mewn mwy nag un sir.
- Proffil gwell i chi a’ch busnes.
- Buddion ariannol Gostyngiadau ar wasanaethau a chynnyrch gan ystod o gyflenwyr.
Pa fuddion sydd i denantiaid?
Bydd tenantiaid yn elwa o wybod os dewisant rentu gan landlord achrededig, bydd yr eiddo mewn cyflwr da a’r denantiaeth wedi’i rheoli i safon dda.
Sut fydd cymunedau lleol yn elwa?
Mae o fudd i bawb os yw tai yn cael eu rheoli’n well a’u cadw mewn cyflwr da. Gall y cynllun helpu i gynyddu’r cyflenwad o letyau o ansawdd da, bod o fudd i denantiaid cyfredol a darpar denantiaid nad ydynt wedi ystyried rhentu’n breifat yn y gorffennol. Mae hefyd yn helpu meithrin gwell perthynas rhwng landlordiaid a thenantiaid ac yn lleihau’r angen am ymyrraeth gan swyddogion y Cyngor.
Am ba mor hir y bydd yr achrediad yn para?
Bydd yr achrediad yn para am bum mlynedd a bydd y landlord yn cael ei ail-achredu’n syth cyhyd a’i fod:
- heb dorri’r cod ymddygiad
- wedi cymryd camau i wybod am newidiadau yn y gyfraith
Bydd mynychu digwyddiadau Diwrnod Landlordiaid blynyddol, fforwm landlordiaid lleol a digwyddiadau hyfforddi ychwanegol ayb yn cyfri tuag at yr ail-achredu, fel bydd aelodaeth o sefydliad landlordiaid cydnabyddedig.
Er mwyn darganfod mwy, neu i wneud cais i ymuno â’r cynllun, ewch i wefan y cynllun.
Neu cysylltwch â gweinyddwr y cynllun:
Achredu Landlordiaid Cymru
c/o Tai Sector Preifat Cyngor Caerdydd
Neuadd y Sir
Glanfa Iwerydd
Caerdydd
CF10 4UW
Ffôn: 029 2087 3561
