Trwyddedu tai amlbreswyliaeth - Deddf 2004
Daeth Deddf Tai 2004 i rym o 30ain Mehefin 2006 yng Nghymru. Yn benodol, cyflwynodd newidiadau mawr i’r modd y caiff tai amlbreswyliaeth (TA) eu trwyddedu a’u diffinnio a’r modd y caiff amodau pob eiddo sydd ar gael i’w rhentio’n breifat eu hasesu.
Trwyddedu gorfodol ar gyfer TA
Mae deddfwriaeth newydd yn Rhan 2 Deddf Tai 2004 yn golygu bod raid i berchenogion, o 30 Mehefin 2006, wneud cais i’r cyngor am drwydded. Mae methiant i wneud hynny’n drosedd.
Am ragor o wybodaeth ynglŷn â thrwyddedu gorfodol, gan gynnwys arweiniad a ffurflenni cais, gweler ‘trwyddedau tai amlbreswyliaeth’.
System Graddio Iechyd a Diogelwch Tai (SGIDT)
Mae’r SGIDT yn ddull asesu risg newydd a ddefnyddir i asesu peryglon posibl i iechyd a diogelwch trigolion ym mhob eiddo sydd ar gael i’w rhentio’n breifat. Mae’r SGIDT yn disodli’r hen safon addasrwydd tai a oedd wedi ei chynnwys yn adran 604 Deddf Tai 1985.
Gymdeithas Genedlaethol y Landlordiaid - gwasanaeth gwybodaeth
Mae Gymdeithas Genedlaethol y Landlordiaid (CGL) wedi sefydlu gwasanaeth gwybodaeth e-bost a ffôn i helpu landlordiaid i ddeall y ddeddf tai newydd. Gall landlordiaid sy’n dymuno defnyddio’r gwasanaeth hwn anfon ebost i housingact2004@landlords.org.uk am atebion i gwestiynau a ofynnir yn aml a chysylltiadau i ddogfennau sy’n ymwneud â’r Ddeddf newydd. Gall y rheiny heb gyfleusterau e-bost ffonio 0845 052 9473 (cyfradd leol).
