Cyngor er mwyn osgoi’r ddirwy parcio
Fel gyrrwr y cerbyd eich cyfrifoldeb chi ydy parcio’n iawn. Dyma rai pwyntiau i’ch atgoffa ynglŷn â lle na ddylech barcio.
Peidiwch â pharcio
- mewn mannau lle mae cyfyngiadau aros a llwytho mewn grym ar y pryd
- mewn man parcio sydd wedi cael ei neilltuo (ee ar gyfer perchnogion bathodynnau glas) heb ddangos tocyn dilys
- mewn safle bysus
- ar linellau igam-ogam gorfodol tu allan i ysgol neu ger croesfan gerddwyr - nid yw casglu na gollwng plant yn esgus derbyniol, mae eich cerbyd yn achosi perygl difrifol i ddiogelwch
- ar y palmant neu ymylon glaswellt tu ôl i gyfyngiadau aros sydd mewn grym ar y pryd
- mewn meysydd parcio talu ac arddangos heb dalu am docyn am hyd eich arhosiad
- am gyfnod hirach nag y bydd unrhyw gyfyngiadau aros yn ei ganiatáu, a pheidiwch â dychwelyd i’r lle o fewn y cyfyngiad a nodir
- y tu allan i safle parcio sydd wedi ei farcio
- am gyfnod hirach nag yr ydych wedi dalu amdano mewn safle talu ac arddangos
Os nad ydych yn siŵr, edrychwch beth sydd ar yr arwydd perthnasol i le rydych yn meddwl parcio.
Bydd parcio eich cerbyd yn gywir a diogel yn helpu i gadw Môn yn lle diogel a dymunol i bawb.
Os oes sawl blwyddyn wedi pasio ers i chi basio’ch prawf gyrru, fel sydd yn wir gyda chymaint ohonom, beth am weld copi o Rheolau’r Ffordd Fawr a tharo golwg arno. Mae llawer o’r cyfyngiadau cyflymder, arwyddion a rheolau parcio wedi newid dros y blynyddoedd a byddai’n werth gwneud yn siŵr bod yr wybodaeth ddiweddaraf gennych.
