Cynllun Bathodyn Glas
Mae’r cynllun bathodyn glas yn gynllun parcio cenedlaethol ar gyfer pobl anabl sydd yn gyrru neu yn teithio mewn cerbyd. Y bwriad ydi helpu pobl anabl i barcio yn agos i ble mae nhw’n mynd
Ar 1 Ebrill 2012 bydd newidiadau’n cael eu cyflwyno i’r drefn bathodynnau glas. O’r dyddiad hwn ymlaen bydd y bathodyn ar gael am ddim i’r rhai sy’n gymwys i’w dderbyn.
Alla i gael bathodyn glas?
Gallwch wneud cais am fathodyn glas os ydych yn:
- derbyn y gyfradd uchaf o elfen symudedd Lwfans Byw i’r Anabl neu yn derbyn Tâl Atodol am Symudedd i Bensiynwyr Rhyfel
- gyrru cerbyd sydd wedi’i ddarparu gan Adran Iechyd y Llywodraeth
- pobl sy’n derbyn budd-dal dan Gynllun (Iawndal) y Lluoedd arfog a’r Adfyddinoedd
- wedi eich cofrestru’n ddall
- dioddef anabledd difrifol yn y ddwy fraich ac yn gyrru cerbyd yn rheolaidd, ond methu â defnyddio’ch dwylo i droi’r llyw, er bod bwlyn arno
- dioddef anabledd parhaol a sylweddol sy’n golygu na allwch gerdded neu eich bod yn cael anhawster mawr wrth gerdded.
Mae’r diffiniadau llawn i’w gweld yn y llyfryn gwybodaeth sydd wedi ei atodi ar y dudalen hon -gweler y tab “dogfennau i’w lawrlwytho”.
Faint mae bathodyn glas yn ei gostio?
Bydd y bathodyn ar gael i unigolion am ddim o 1 Ebrill 2012 ymlaen.
Os bydd y bathodyn glas yn cael ei golli, bydd ffi o £10 er mwyn derbyn bathodyn newydd.
Gall sefydliadau sy’n gofalu am bobl ag anableddau hefyd gyflwyno cais am fathodyn. O’r 1 Ebrill 2012 ymlaen bydd ffi o £10 i sefydliadau sydd am dderbyn bathodyn.
Cais am fathodyn glas newydd
Er mwyn gwneud cais am fathodyn glas, cysylltwch â ni drwy ffonio 01248 752704
Adnewyddu eich bathodyn glas
Dim ond am 3 blynedd mae’r bathodyn glas yn ddilys, a bydd angen i chi gyflwyno cais am fathodyn newydd bob 3 blynedd. Cysylltwch â ni ar 01248 752704.
Am ragor o wybodaeth, edrychwch yn y llyfryn gwybodaeth sydd wedi ei atodi ar y dudalen hon - gweler y tab “dogfennau i’w lawrlwytho”, neu cysylltwch â ni drwy ffonio 01248 752704.
Sut i wneud cais
Gellir lawrlwytho copi o’r ffurflen gais - gweler y tab “dogfennau i’w lawrlwytho” ar ben y dudalen hon, neu cysylltwch gyda ni am pecyn ffurflen gais. Gweler y tab “cysylltiadau” uchod.
Os bydd eich cais yn llwyddiannus, mae’n hanfodol i ni dderbyn dau lun pa trwydded teithio.
Ble alla i barcio gyda bathodyn glas?
Ar Ynys Môn, mae deiliad Bathodynnau Glas a’r hawl i barcio am ddim mewn unrhyw fae oddi fewn i’r meysydd parcio talu ac arddangos os yw bathodyn dilys yn cael ei arddangos.
Mae eithriadau’n bodoli - mae rhagor o wybodaeth yn y llyfryn gwybodaeth sydd wedi ei atodi ar y dudalen hon -gweler y tab “dogfennau i’w lawrlwytho”.
Os yw eich cais yn aflwyddiannus
Mae’r penderfyniad i gyflwyno neu i beidio â chyflwyno bathodyn yn cael ei wneud gan yr awdurdod lleol yn unig.
Nid oes gennych hawl i apelio yn erbyn penderfyniad oni bai fod hynny at yr Ysgrifennydd Gwladol o fewn 28 diwrnod i ddyddiad y llythyr gwrthod.
Pan fo ymgeisydd yn teimlo ei fod/bod eisiau cwestiynu’r penderfyniad, mae gennym drefn i ail-asesu.
Dylai’r adain fathodynnau dderbyn cais am ail-asesiad o fewn 28 diwrnod i ddyddiad y llythyr gwrthod, a rhaid i’r cais fod mewn ysgrifen, yn nodi’r wybodaeth feddygol ychwanegol sylweddol.
Dylid anfon llythyrau at:
Adran Tai a Gwasanaethau Cymdeithasol
Cyngor Sir Ynys Môn
Swyddfa’r Cyngor
Llangefni
Ynys Môn
LL77 7TW
Ffôn: (01248) 752752
Ebost: asdss@ynysmon.gov.uk
