Mae Cyflogau Sylfaenol yn cael eu talu i gynghorwyr pob mis i gydnabod y gwaith mae pob cynghorydd yn ei wneud yn y rôl honno.

Telir Uwch Gyflogau a Chyflogau Sifig i gynghorwyr sydd â chyfrifoldebau ychwanegol oherwydd y swyddi a ddelir ganddynt - er enghraifft, fel aelod o’r Pwyllgor Gwaith neu Gadeirydd Pwyllgor - ac sy’n galw am fwy o’u hamser ac ymroddiad. Mae uchafswm o un ar bymtheg ar y nifer o Uwch Gyflogau a Chyflogau Sifig ar unrhyw amser. Mae’r Cyflog Sylfaenol wedi’i gynnwys ym mhob Uwch Gyflog a Chyflog Sifig.

Mae gan Aelodau, gan gynnwys Aelodau cyfetholedig, hawl i ad-daliad o’u costau gofal, hyd at yr uchafswm o £403 y mis, ar gyfer gweithgareddau y mae’r Cyngor wedi’u dynodi’n fusnes swyddogol neu’n ddyletswydd gymeradwy a allai gynnwys amser priodol a rhesymol ar gyfer paratoi a theithio.

Mae’r ad-daliad yma ar gael i aelodau sydd â phrif gyfrifoldeb am ofalu am blentyn neu oedolyn a/neu sydd ag anghenion cymorth personol lle nad yw'r rhain yn dod o dan ddarpariaeth statudol neu ddarpariaeth arall. Gall cymorth personol hefyd gynnwys cyflwr byrdymor neu gyflwr diweddar nad yw'n berthnasol i Ddeddf Cydraddoldeb 2010, mynediad i waith, Taliadau Personol, yswiriant neu ddarpariaeth arall.

Am fwy o fanylion, cysylltwch, os gwelwch yn dda, gyda Huw Jones, Pennaeth Gwasanaethau Democrataidd: JJones@ynysmon.gov.uk

Treuliau a hawlir am aros dros nos neu brydau allan o’r cartref pan ar fusnes y Cyngor.

Telir hwn yn bennaf fel cyfradd fesul milltir ar gyfer teithio mewn car ar fusnes y Cyngor.

Panel Annibynnol Cymru ar Gydnabyddiaeth Ariannol  sy’n gosod taliadau i gynghorwyr.

Rydym yn cyhoeddi rhestr o daliadau bob blwyddyn.  Ewch i ‘Datganiad o Daliadau a Wnaed i Aelodau’ o dan ‘Dogfennau i’w lawrlwytho’ i weld faint a dalwyd i bob cynghorydd. 

I gael gweld beth mae pob cynghorydd â hawl iddo, ewch i ‘Rhestr Cydnabyddiaeth Ariannol i Aelodau’ o dan ‘Dogfennau i’w lawrlwytho’ isod.

Rhoddir isod grynodeb o’r mathau o lwfansau sy’n cael eu talu: