Mae'r Awdurdod Lleol wedi cydnabod ardal ddaearyddol benodol ar gyfer pob ysgol, a elwir yn ddalgylch. Ceir rhestr o'r holl ysgolion a'u dalgylchoedd yn y llawlyfr 'Gwybodaeth i Rieni'.
Y cyfeiriad cartref sy'n dynodi dalgylch yr ysgol uwchradd, yn hytrach na pha ysgol gynradd yr oedd y plentyn yn ei mynychu. Mae hyn yn effeithio ar p'un a fydd cludiant ysgol yn ddi-dâl neu'n amodol ar ffi i ddisgyblion.
Mae disgyblion nad oes ganddynt hawl i gludiant am ddim yn perthyn i un o'r 3 chategori canlynol:
- dysgwyr Blwyddyn 7 i Flwyddyn 11 sy'n byw llai na 3 milltir o'u hysgol dalgylch
- dysgwyr Blwyddyn 12 a Blwyddyn 13
- dysgwyr sy'n byw "all-ddalgylch" h.y. wedi dewis peidio â mynychu eu hysgol addas agosaf
Noder nad oes sicrwydd o ddarpariaeth cludiant i ysgol "all-ddalgylch". Os yw eich plentyn yn perthyn i un o'r 3 chategori uchod, gallwch wneud cais am docyn sedd wag (teithio consesiynol), ond cofiwch:
- mae seddi gwag yn gyfyngedig ac nid yw gwneud cais yn gwarantu y cewch docyn bws
- efallai na fydd yn bosibl rhoi sedd wag nes bod nifer y seddi sbâr wedi'i bennu (unwaith y bydd dysgwyr â hawl yn cael lle ar gerbyd penodol)
- efallai na fyddwn yn gallu cadarnhau teithio consesiynol cyn dechrau'r flwyddyn academaidd (gall gymryd nifer o wythnosau i bennu argaeledd seddi sbâr ar unrhyw wasanaeth penodol)
- codir tâl rhesymol am geisiadau llwyddiannus
Gweler ein Polisi Cludiant Ysgol i gael rhagor o wybodaeth am ein cynllun seddi gweigion (teithio consesiynol).