Oherwydd deddfwriaeth Rheoliadau Hygyrchedd Cerbydau Gwasanaeth Cyhoeddus 2000 (PSVAR), ni fydd yr Awdurdod yn codi tâl am docynnau bws ar gyfer blwyddyn academaidd 2021 i 2022.
Bydd angen tocyn bws ar bob disgybl sy’n teithio ar fws ysgol erbyn 1 Medi 2021.
Ni fydd modd teithio ar fws ysgol heb docyn ar ôl y dyddiad hwn.
Bydd angen i chi gwblhau cais ar wahân ar gyfer pob dysgwr ond peidiwch â ail-chyflwyno eich cais oherwydd bydd yn cymryd mwy o amser inni ddod yn ôl atoch.
Darllenwch y wybodaeth isod cyn gwneud cais.
Cais am docyn bws ysgol
Disgyblion heb hawl i gludiant am ddim
Bydd angen i bob disgybl nad oes ganddynt hawl i gludiant am ddim o dan y polisi presennol wneud cais am docyn bws.
Mae disgyblion nad oes ganddynt hawl i gludiant am ddim yn perthyn i un o'r 3 chategori canlynol.
- dysgwyr Blwyddyn 7 i 11 sy'n byw llai na 3 milltir o'u hysgol dalgylch
- dysgwyr Blwyddyn 12 a 13
- dysgwyr sy'n byw y tu allan i'r dalgylch ac sy'n dymuno manteisio ar y cynllun seddi gweigion
Os bydd eich plentyn yn perthyn i un o'r 3 chategori uchod, bydd angen i chi lenwi'r ffurflen gais. Fodd bynnag, os bydd eich cais yn llwyddiannus, ni chodir tâl arnoch am y flwyddyn academaidd hon.
Cofiwch fod seddi gwag yn gyfyngedig ac nad yw gwneud cais yn gwarantu y byddwch yn cael tocyn bws.
Plant blynyddoedd 7 i 11 yn byw mwy na 3 milltir o'r ysgol
Nid oes angen i ddysgwyr blynyddoedd 7 i 11 gyflwyno cais ar gyfer Medi 2021 os ydynt yn byw mwy na 3 milltir o’u hysgol ddalgylch - byddent yn derbyn, neu wedi derbyn, tocyn yn barod.
Gwiriwch y dyddiad terfynu ar docyn bws presennol y dysgwr cyn gwneud cais newydd.
Yn unol â’r polisi, disgwylir y bydd rhieni yn gwneud trefniadau ar gyfer y 2 filltir gyntaf i gwrdd ag unrhyw gludiant a ddarperir gan yr Awdurdod.
Mae croeso i chi gysylltu â'r Adran Drafnidiaeth ar 01248 752456 a fydd yn gallu eich cynorthwyo i lenwi'r ffurflen, os oes angen.
Gallwch hefyd gyflwyno unrhyw ymholiad drwy e-bost i: AddysgEducation@ynysmon.gov.uk
Cynhelir gwiriadau rheolaidd o Fedi 2021 er mwyn sicrhau fod gan bob dysgwr sy’n teithio ar fws ysgol docyn bws dilys.