Ysgol - cefnogaeth teithio
Mae’r Awdurdod Addysg yn darparu cludiant am ddim i’r ysgol fel a ganlyn i ddisgyblion llawn amser 4 – 16 oed.
(i) i ddisgyblion ysgol gynradd sy’n byw 1.5 milltir neu fwy o’r ysgol y maent yn byw yn ei dalgylch
(ii) i ddisgyblion ysgol uwchradd sy’n byw 3 milltir neu fwy o’r ysgol y maent yn byw yn ei dalgylch, ac eithrio
disgyblion 6ed dosbarth /myfyrwyr addysg bellach (gweler 6.4 isod);
(iii) i ddisgyblion lle, ym marn yr Awdurdod Lleol, mae cludiant am ddim yn angenrheidiol oherwydd natur
anghenion addysgol arbennig y plentyn, ei gyflwr meddygol neu amgylchiadau unigol eraill;
(iv) i ddisgyblion sy’n mynychu Ysgol Santes Fair ac sy’n byw rhwng 1.5 a 6 milltir o’r ysgol;
(v) i ddisgyblion nad ydynt yn teilyngu cludiant dan (i), (ii), (iii) na (iv) uchod ond sy’n teithio i’r ysgol ar hyd ffordd
a ystyrir yn arbennig o beryglus, neu dan amgylchiadau arbennig eraill;
(vi) i ddisgyblion sy’n mynychu ysgol nad ydynt yn byw yn ei dalgylch os mai honno ydi’r ysgol agosaf i’r cartref
ac os yw’r pellter o’r cartref i’r ysgol honno yn 2 filltir neu fwy pan mae’r disgybl dan 8 oed neu yn 3 milltir neu
fwy pan mae’r disgybl yn 8 oed neu hyn.
Disgwylir i ddisgyblion gerdded pellter rhesymol i gyfarfod ag unrhyw gludiant a ddarperir gan yr Awdurdod ac eithrio plant yng nghymal (iii).
Disgyblion Ysgolion Cynradd sy’n byw o fewn 1.5 milltir i’r ysgol
Mewn rhai ardaloedd darperir cludiant ar bris gostyngol o 10c y daith i ddisgyblion sy’n byw o fewn 1.5 milltir o’r ysgol.
Disgybllion Uwchradd (yn cynnwys 6ed dosbarth a myfyrwyr addysg bellach 16-19 oed) sy’n byw o fewn 3 milltir i’r ysgol/coleg
Yn unol ag Adran 32 Deddf Cludiant 1980 (sy’n galluogi Awdurdod Lleol i ddefnyddio cludiant ysgol ar gyfer teithwyr sy’n talu), gall disgyblion/myfyrwyr sy’n byw llai na 3 milltir o ysgol y dalgylch/coleg addas agosaf, ac felly heb hawl i gludiant am ddim, fanteisio’n amodol ar unrhyw seddi gweigion yng ngherbydau contract yr Awdurdod dim ond iddynt dalu’r tâl safonol, sef 20c y daith i’r cwmni bwsiau, neu £60 y flwyddyn (neu 2 x £30) i’r Awdurdod Lleol am docyn teithio. Nid yw’r trefniadau hyn ar gael i ddisgyblion sy’n gallu defnyddio gwasanaeth cludiant cyhoeddus.
Disgyblion 6ed Dosbarth/myfyrwyr addysg bellach llawn amser 16-19 oed sy’n byw dros 3 milltir o’r ysgol
Darperir cludiant i’r ysgol neu goleg addysg bellach addas agosaf ar bris gostyngol o £60 y flwyddyn gyda’r dewis i
dalu mewn un taliad neu dau daliad o £30.
Pan fo disgyblion yn cael caniatâd i fynychu ysgol heblaw’r un sy’n gwasanaethu’r dalgylch lle maent yn byw, yn arferol mae’n ofynnol iddynt wneud eu trefniadau teithio eu hunain a dwyn y gost. Mae’r Awdurdod yn fodlon ystyried ceisiadau gan ddisgyblion o’r fath am gael gwneud defnydd o seddau gweigion ar gerbydau contract ar gost cyfatebol â chost cludiant cyhoeddus. (Nid yw’r trefniadau hyn ar gael i ddisgyblion sy’n gallu defnyddio gwasanaeth cludiant cyhoeddus). Mae’r gost cludiant cyhoeddus yn 80 ceiniog y plentyn, y dydd, ar hyn o bryd.
Pris teithio’n gysylltiedig â’r cynllun uchod yw £50.00 y tymor (£150.00 y flwyddyn), neu £100.00 am flwyddyn os
ydych yn dymuno talu am y flwyddyn mewn un taliad (disgownt o 33% ar y pris llawn).
Cod Ymddygiad Cludiant Ysgol (holl ddisgyblion)
Disgwylir i bob disgybl gydymffurfio â gofynion y cod ymddygiad hw
Disgyblion sy’n newid cyfeiriad
Gall cyfraniad gael ei wneud ar y sail a ganlyn tuag at gostau teithio disgybl sy’n symud i fyw i ddalgylch newydd yn ystod cwrs arholiad allanol (TGAU) ac sy’n dymuno aros yn yr ysgol sy’n gwasanaethu ardal ei hen gartref nes cwblhau’r cwrs.
(i) bod disgyblion yn derbyn y swm a wariwyd hyd at uchafswm sy’n cyfateb i gost teithio 20 milltir yn dyddiol yn
ôl graddfa lwfans teithio ar wasanaeth cyhoeddus;
(ii) bod disgyblion yn cael teithio am ddim pan fo modd i’r Awdurdod drefnu cludiant heb fynd i gost ychwanegol;
(iii) bod trefniant yn cael ei wneud am weddill cyfnod y cwrs yn unig a lle mae’r pellter teithio yn un rhesymol;
(iv) bod taliad yn cael ei wneud ar ddiwedd y tymor am bob diwrnod y mae’r disgybl wedi ei gofnodi’n bresennol
ar gofrestr yr ysgol.
Yn dilyn cwblhau’r cwrs bydd y cymorth hwn yn peidio a disgwylir i’r disgybl fynychu’r ysgol sy’n gwasanaethu ardal ei gartref newydd.
Ni ddarperir cludiant i blant meithrin sy’n mynychu ysgol yn rhan amser.
Dylid gwneud ymholiadau gyda’r Swyddog Cludiant yn yr Adran Priffyrdd ynghylch unrhyw faterion yn ymwneud â
chludiant (ffôn 01248 751892).
