Cynllun Ysgolion Iach Môn: beth bydd rhaid i'r ysgolion wneud?
Mae’n rhaid i ysgolion gwblhau amcan 1 yn ystod y flwyddyn gyntaf ond maent wedyn yn rhydd i ddewis unrhywrai o’r amcanion eraill. Argymhellir bod ysgolion yn dethol amcanion sy’n cyflenwi eu cynllun gwaith. Yn y ffordd hon daw’r cynllun yn rhan gyfunol o’u bywyd dyddiol.
Gofynnir i ysgolion gadw portffolio o dystiolaeth bob blwyddyn. Bydd hwn yn cynnwys dogfennau y bydd ysgolion yn eu cadw yn naturiol ee llythyrau i rieni, ffotograffau o ddigwyddiadau, cofnodion cyfarfodydd ayyb.
Ar ddiwedd y flwyddyn os yw’r ysgol a’r cydlynydd yn hapus bod amcanion wedi eu cyflawni bydd asesydd allanol yn ymweld â’r ysgol. Bydd yr asesydd yn edrych drwy’r portffolio ac yn trafod y gwaith sydd wedi digwydd i ddilysu bod y safon wedi ei chyrraedd.
Cyflwynir plac i’r ysgolion wedi cwblhau bob blwyddyn.
Wedi cwblhau’r amcanion bydd ysgolion yn parhau i weithio ar y cynllun drwy gynnal yr amcanion a’u datblygu ymhellach. Parheir i gydnabod ysgolion am y gwaith hwn a pharheir â’r broses i dderbyn placiau pellach.
Mae’r cydlynydd ysgolion iach yn cefnogi ysgolion drwy gydol y cynllun ac yn ymweld yn rheolaidd. Mae gwybodaeth genedlaethol ddiweddar yn cael ei hestyn ymlaen i ysgolion drwy hyfforddiant a digwyddiadau.
